Hopp til hovudinnhald Hopp til søk Hopp til bunntekst
  • Forureina grunn - bygging og graving

  • Meldeplikt for verksemder som kan påverke helsa

  • Miljøplager eller -risiko (melding om)

  • Nedgravde oljetankar

  • Utsleppsløyve

    Generelt

    Dersom du eig ein bustad eller en hytte som ikkje er kopla til det kommunale avløpsanlegget, må du søkje kommunen om utsleppsløyve.

    Eig du bustad, hytte, turistbedrift og liknande som ikkje er knytt til (eller kan knyttast til) offentleg avløpsanlegg, må du søkje kommunen om løyve til å sleppe ut avløpsvatn. Dersom verksemda berre slepp ut gråvatn, gjeld plikta berre dersom du har innlagt vatn. Med avløpsvatn meiner ein avløp frå vassklosett, kjøkken, bad og vaskerom. Med innlagt vatn meiner ein vatn frå vassverk, brønn og cisterneanlegg som blir ført innandørs gjennom leidning. Med gråvatn meiner ein avløp frå kjøkken, bad og vaskerom (klosettavløp ikkje inkludert).

    Vilkår

    Utsleppet er mindre enn 50 pe (personekvivalentar). Standardvilkåra går elles fram av forureiningsforskrifta kap. 12. Vilkår kan òg gå fram av løyvet. Eigaren av avløpsanlegget er ansvarleg for drift og vedlikehald etter forskrifta.

    Kommunen kan kontrollere at anlegget er lokalisert, bygt og drive i samsvar med vilkår som går fram av løyvet.

    Kontaktpersonar

    NavnTittelTelefonMobilTelefaksE-post
    Kåre GrovenTeknisk sjef35 06 51 6147 67 09 8835 06 51 10Send Epost

    Kontaktavdeling

    Teknisk avdeling

    LederKåre Groven
    Telefon35 06 51 60
    Telefaks35 06 51 10
    E-postpost@seljord.kommune.no
    PostadresseBrøløsvegen 13 A 3840 SELJORD
    Besøksadresse3840 SELJORD

    Lovar og retningsliner

    Sjå ureiningslova § 22 krav til utførelse av avløpsanlegg og ureiningsforskriften kapittel 12 Krav til utslipp av sanitært avløpsvann fra bolighus, hytter og lignende 

    Søknadsprosessen

    Rettleiing

    Kommunen gjev rettleiing om vilkår, forundersøkingar og korleis du skal søkje om utsleppsløyve. Skriftleg søknad skal mellom anna innehalde desse opplysingane:

    • dokumentasjon på korleis ein skal etablere og drive utslepp
    • om utsleppet skal etablerast og drivast i samsvar med krava i kap. 12 i forureiningsforskrifta eller om det blir søkt om fritak frå krava
    • plassering av avløpsanlegg og utsleppsstad på kart
    • interesser som ein trur etableringa får følgjer for, til dømes drikkevatn

    Partar og andre som saka kan få følgjer for, skal ha varsel om innhaldet i søknaden. Kopi av varselet sendast kommunen. Eventuelle fråsegner skal leggjast ved søknaden.

    Søknadmottakar

    Seljord kommune,
    Postmottak,
    Brøløsvegen 13 A,
    3840 Seljord

    Behandling

    Kommunen kan under søknadsbehandlinga fastsetje krav som skil seg frå kap. 12 i forskrifta eller nekte etableringa av utslepp. Når kommunen avgjer om det skal fastsetjast andre krav, skal det leggjast vekt på ureiningsulemper samanlikna med dei føremonene og ulempene som tiltaket elles vil medføre.

    Behandlingstid

    Fullstendig søknad om utsleppsløyve som er i samsvar med krava i kap. 12 i forskrifta, skal avgjerast av kommunen innan seks veker. Dersom kommunen ikkje har avgjort saka før fristen har gått ut, kan ein rekne med at løyvet er gjeve såframt det ikkje er nokon grunn til å tru at nokon av partane vil vere misnøgde med dette. Fullstendig søknad med krav som skil seg frå forskrifta, skal avgjerast så snart som mogleg.

    Høve til å klage

    Du kan klage på vedtaket innan ein frist på tre veker frå du tok imot vedtaket. Klagen sender du til den instansen som har gjort vedtaket. I klagen skal du føre opp kva du ønskjer endra i vedtaket og grunngje det. Kommunen vil kunne gje deg rettleiing. Klageinstans er klagenemnda i kommunen. Før klagen blir send dit, skal den instansen i kommunen som gjorde vedtaket, vurdere om det er grunn til å endre det. Dersom vedtaket blir ståande, vil saka bli send til klagenemnda.

  • Dyrsku'n
  • Møtestad Seljord
  • Ruteinfo Norge
  • Seljord og sogene
  • Ta Seljord i bruk
  • Vestfold kollektivtrafikk

Seljord.kommune.no nyttar informasjonskapslar (cookies) slik at me kan yte deg betre service. Informasjonskapslane blir i hovudsak nytta for trafikkmåling og optimalisering av tenesten. Du kan fortsette å bruke seljord.kommune.no som vanleg dersom du godtek dette. Dersom du vil vita meir, kan du lese om vår bruk av informasjonskapslar. Lukk